|
|
Holandako pipak |
|
Ontzixken ahoa edo tutuak inguratzen dituzten hortz-markak dira dekoraziozko elementu nagusiak; tutuetan, sarri askotan kiribilekin tartekatuz, zerra-hortzak eta erronboek edo kateatutako zirkuluek inguratutako puntuak bereiz daitezke. |
|
|
Tutua hortz-markekin |
Maiz ageri da zitori horia, Frantziako monarkiaren armarri-ikurra, tutuetan txertatutako diamanteek inguraturik nabarmentzen dena. |
|
|
Zitori horiarekin dekoratutako tutuak |
Tudor arrosa da erregistratzen den beste motibo bat; ontzixken aurpegietan egokiturik, erliebean egindako hiru, sei edo zortzi puntuko talde batez irudikatzen da. Diseinu hau Jaime I.aren agintaldian zehar Holandara ihes egin zuten fabrikatzaile ingelesek ezagutarazi zuten, eta Tudor etxeari zioten leialtasuna adierazten zuten horrenbestez. |
|
|
|
|
Tudor arrosarekin dekoratutako pipak |
|
|
Ugari dira Goudan egindako pipak. Pipa horietako tutu batzuk inguratuz INGOUDA hitza ageri da fabrikatzailearen izenaren ondotik. |
|
Hitzez hornituriko tutua |
|
Ontzixken ezkerreko aurpegian koroak ageri dira marka batzuen gainean. Hostoz edo perlaz egindako koroen pean era askotako motiboak ageri dira, zifra biko zenbakiak, hitz hasiera bi, esku bat, erronbo bat eta beste. |
|
|
|
Koro batez inguratutako 24 zenbakia duen ontzixka |
|
Koro batez inguratutako eskua duen ontzixka |
|
|
|
Koro batez inguratutako VR hasierako hitzak dituen ontzixka |
|
Koro batez inguratutako PV hasierako hitzak dituen ontzixka |
|
Gisa honetako markak ageri ere dira orpoen oinean. Ontzixka hauetako askoren orpoen aurpegietan Goudako armarria azaltzen da, 1739an pribilegio honen jabe egin baitzituzten aipatutako hiriko fabrikatzaileak euren produkzioa babesteko xedean eta euren markak beste hirietako fabrikatzaileek plagiatuak ez izateko xedean. |
|
|
|
Orpoan Goudako armarria duen ontzixka |
|
|
Zenbaitetan S bat irakur daiteke armarriaren gainean; slegte (arrunta) esan nahi du, eta 1740an hasi ziren hizki hori erabiltzen kalitate hobea zuten piezetatik bereizi ahal izateko. |
|
Orpoan eta armarriaren gainean S bat duen ontzixka |
|
Jonas pipa ezagunen zatiki batzuk daudela esan beharra dago. Pipa mota hauen ontzixkak bizardun baten buruaren forma du, eta tutua ahoa irekita duen arrain antzeko batek eratzen du. Balea Jonas irensten eta ondoren itzultzen irudikatzen bide du pieza honen diseinuak. 1630ean hasi ziren pipa mota hau fabrikatzen, eta ospe handia izan zuen marinelen artean. |
|
|
|
Jonas pipak |
|
Era berean, Holandako pipen artean identifikatu dir motibo geometrikoekin eta landare izaerako motiboekin apaindutako tutu kopuru garrantzitsu bat, ontzixka galloiz dekoratuak eta oparo dekoratuta dauden ontzixka batzuk; azken hauen ezkerreko aurpegian arrantzale baten edo Gilermo III.a erregearen irudia ageri da erliebean. |
|
|
|
Tutu dekoratuak |
|
Ontzixka galloiz dekoratuak |
|
Ontzixka irudiarekin |
|
|